Plantun de Prouvènço

Pèr coumpara dos planto d'encò nostre

Lycium barbarum & Myosotis corsicana subsp. pyrenaeorum

Arnavèu-blanc(-de-Barbarìo)

Lycium barbarum

Solanaceae

Autre noum : Bouissoun-blanc.

Nom en français : Lyciet commun.

Descripcioun :
L'óurigino éuroupenco d'aquest arnavèu-blanc èi discutido. Sèmblo pèr la maje part planta. Es un aubret que fai de flour vióuleto sus de ramo retoumbanto e espinouso. Lycium europaeum a de flour palinouso e d'espinasso alor que Lycium chinense fai de flour mai larjo e porto ges d'espino.

Usanço :
Emai li fueio e li fru sarien manjadis (F. Couplan, op.cit. p. ) cue, soun subretout li fru que soun utilisa en medecino tradiciounalo chinese emé lou noum de "goji". Soun proun anti-óussidant e manja pèr faire dura d'alòngui la vido (paradis terrestre di taouïste). Èi vertuous contre un fube de malautié : anti-cancerous, bon pèr lou cor, contro l'ipertesuro, l'iperglicemìo, lis artèri tapado...

Port : Aubret
Taio : 1 à 3 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Lycium
Famiho : Solanaceae

Ordre : Solanales

Coulour de la flour : Vióuleto
Petalo : 5
Ø (o loungour) flour : 1 cm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun
Abriéu à setèmbre

Liò : Sebisso - Bartas - Baragno
Estànci : Termoumediterran à Coulinen
Couroulougi : Óurigino Asìo-Èst
Ref. sc. : Lycium barbarum L., 1753

Te-vese-e-t'ame(-di-Pirenèu)

Myosotis corsicana subsp. pyrenaeorum

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Nom en français : Myosotis des Pyrénéens.

Descripcioun :
Aurés pas besoun d'ana dins li Pirenèu pèr lou rescountra, qu'aquesto meno trachis dins Ventour. Sèmblo bèn mai proche di te-vese-e-t'ame d'aquésti mountagno, e de Corso, que li dis Aup. Sabès que tout acò èro estaca avans la derivo Corso-Sardo i'a peraqui 35 MA. Se destrìo de sa cousino dis Aup que i'a ges de péu dessouto li fueio, s'atrovo pamens de péu croucu sus li costo di sepalo (fotò) e proun de péu sus si bord.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").

Port : Erbo
Taio : 5 à 25 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Myosotis
Famiho : Boraginaceae

Coulour de la flour : Bluio
Petalo : 5
Ø (o loungour) flour : 6 à 9 mm
Flourido : Estiéu

Sòu : Ca
Autour basso e auto : 1500 à 2700 m
Aparado : Noun
Juliet à avoust

Liò : Pelouso - Coumbo à nèu
Estànci : Mountagnard à Aupen
Couroulougi : Ouroufito-Sud-Éuroupo
Ref. sc. : Myosotis corsicana subsp. pyrenaeorum Blaise & Kerguélen, 1992 (= Myosotis alpestris subsp. pyrenaearum (Blaise & Kerguélen) J.M.Tison )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Lycium barbarum & Myosotis corsicana subsp. pyrenaeorum

ges

Coumpara Arnavèu-blanc(-de-Barbarìo) emé uno autro planto

Coumpara Te-vese-e-t'ame(-di-Pirenèu) emé uno autro planto